Cherry Kaung Kaung Family Clinic ချယ်ရီကောင်းကောင်းမိသားစုဆေးခန်း

 ချယ်ရီကောင်းကောင်းဆေးခန်း တွင် သွေးတိုးရောဂါ၊ ဆီးချိုသွေးချိုရောဂါ စသည့် နာတာရှည်ရောဂါဝေဒနာရှင်များ ပုံမှန်ပြသနိုင်ပါသည်။ နာတာရှည် လူနာများ ပုံမှန် သောက်နေရသော ဆေးဝါးများ အကြောင်းကို (ကောင်းကျိုး၊ဘေးထွက်ဆိုးကျိုး၊ဆေးအချင်းချင်း ဓာတ်ပြုမှု များ စသည်) နားလည်စေရန် သင်ကြားပြသပေးပါသည်။ နာတာရှည်ရောဂါများ၏ နောက်ဆက်တွဲရောဂါများ (မျက်စိ၊ကျောက်ကပ်ရောဂါစသည်) ဝင်လာပါက စနစ်ကျအဆင်ပြေစွာ ကုသမှုနိုင်စေရေး ဆောင်ရွက်ပေးပါသည်။ လူနာကိုယ်တိုင် လိုက်နာရမည့် နေထိုင်စားသောက်နည်း၊ သတိပြုစစ်ဆေးရမည့်နည်းလမ်းများ သင်ကြားပြသပေးပါသည်။

သောက်နေတဲ့ဆေးတွေ အများကြီး ဖြစ်နေတယ်၊ ဆေးရဲ့ ဘေးထွက်ဆိုးကျိုးတွေ ကြောင့် ဒုက္ခရောက်မှာ ခံစား ရမှာလဲ ကြောက်နေတယ်ဆိုရင် ဘာလုပ်သင့်သလဲ နာတာရှည်ရောဂါတွေ ထိန်းသိမ်းဖို့ ဆေးဝါးတွေသောက်နေရတဲ့သူတွေ အနေနဲ့ ဆေးတိုင်းဆေးတိုင်းကို ဂဃနဏ နားလည်ဖို့ရယ်၊ ရောဂါနဲ့ ဆေးဝါး သင့်တော်မှု ရှိ/မရှိရယ် သိဖို့ လိုပါတယ်။ ဒီအတွက် ဆေးအများကြီး သောက်နေရတဲ့ သူတွေ အတွက်  ချယ်ရီကောင်းကောင်းဆေးခန်းမှာပဲ သီးသန့် ရရှိနိုင်တဲ့ ဝန်ဆောင်မှုကတော့ ပုံမှန် သောက်နေကျ ဆေးဝါးများ စာရင်းပြုစု စစ်ဆေးပေးခြင်း (Medication Review and Reconciliation)  ပဲ ဖြစ်ပါတယ်။  ဘယ်သူတွေ ရယူသင့်သလဲ အသက် ၆၀နှစ်နှင့် အထက် အဖိုးအဖွားတွေ၊  နာတာရှည်ရောဂါ (၃-၄)မျိုး တစ်ပြိုင်နက် ခံစားနေရသူတွေ၊ ဆေးဝါး (၅)မျိုးအထက်သောက်သုံးနေရသော Polypharmacy လူနာများအတွက် နားလည်ကျွမ်းကျင်တဲ့ ဆရာဝန်နဲ့ တိုင်ပင်ပြီး  ဆေးဝါးများ စာရင်းပြုစု စစ်ဆေးပေးခြင်း ဝန်ဆောင်မှု ရယူသင့်ပါတယ်။ ဘာတွေ လုပ်ပေးမှာပါလဲ CKK Clinic တွင် ဆေးဝါးဗေဒ မဟာဘွဲ့ ရ ဆရာဝန်မှ  သောက်သုံးနေသော ဆေးတစ်မျိုးချင်းစီ အကြောင်း သေချာရှင်းပြခြင်း၊  ဆေး သောက်ချိန်သောက်နည်း မှန်ကန်အေ...

  မိသားစုများ၏ ကျန်းမာရေးကိစ္စများ တိုင်ပင်ဆွေးနွေး အကြံပြုပေးခြင်း (Family and General Healthcare consultation) အသက်အရွယ်နှင့် ကျားမ အလိုက် ကျန်းမာရေးစစ်ဆေးပေးခြင်း (Personalized Medical Check-ups) သာမန်ရောဂါများစစ်ဆေးကုသပေးခြင်း(Diagnosis and Treatment of Minor/uncomplicated ailments of all age) မိသားစု စီမံကိန်း အကြံပေးခြင်း၊ သားဆက်ခြားနည်း/ ဆေးဝါးများ ညွှန်ကြားပေးခြင်း ( Family Planning and Contraception Advice) အရေးပေါ်နှင့် ထိခိုက်ရှနာဒဏ်ရာများ ကုသမှုပေးခြင်း( Management of accidents and emergencies)  ဆီးချိုသွေးချိုရောဂါ၊ သွေးတိုးရောဂါ၊အဝလွန်ရောဂါ ရှိ/မရှိ စစ်ဆေး ကုသပေးခြင်း ( Diagnosis and Treatment of Diabetes, Hypertension and Obesity) နာတာရှည်ရောဂါများကို စစ်ဆေးကုသပေးခြင်း ( Management of Chronic illness) ဝေဒနာသက်သာစေရန် ကုသမှုပေးခြင်း (Palliative Care) သောက်နေကျ ပုံမှန်ဆေးဝါးများ စာရင်းပြုစု စစ်ဆေးပေးခြင်း ( Medication Reconciliation) ရောဂါကာကွယ်ဆေးများ ထိုးနှံပေးခြင်း ( Vaccination) ထိခိုက်ရှနာဒဏ်ရာနှင့် အနာရောဂါများ ကုသပေးခြင်း (Injuries and wound care) အဆုတ်တီဘီ...

နောက်ဆုံးအဆင့် ရောဂါဝေဒနာခံစားနေရသူများ(ကင်ဆာ စသည်) ရောဂါသည်များ အတွက်  နာကျင်မှုနှင့် ဝေဒနာသက်သာစေရန်၊  ဘဝနေထိုင်မှု အရည်အသွေး အဆင်ပြေချောမွေ့စေရန် CKK Clinic က မိသားစုများနှင့်တိုင်ပင်ကာ စနစ်ကျသော ကုသမှုများဖြင့် ကူညီပေးပါသည်။  

CKK Clinic တွင်  ဓာတ်ခွဲ၊ဓာတ်မှန်၊ အာထရာဆောင်းနှင့် ရောဂါရှာဖွေရေး စစ်ဆေးမှုများ မဆောင်ရွက်မီ စစ်ဆေးသင့်သော အကြောင်းအရင်းများ၊ စစ်ဆေးနိုင်မည့်နေရာ၊  အစီအစဉ်၊  စစ်ဆေးတွေ့ရှိနိုင်ချေနှင့်  ခန့်မှန်း ကုန်ကျစရိတ်များ ရှင်းပြဆွေးနွေးခြင်းများ ဆောင်ရွက်ပေးပါသည်။ စစ်ဆေးအပြီး အဖြေရလာဒ် ထွက်ပေါ်လာပါက  မိမိတို့၏ စစ်ဆေးမှု အဖြေရလာဒ်များ၏ အခြေအနေနှင့် စစ်ဆေးမှုရလာဒ်အလိုက် ကုသမှု အစီအစဉ် ရှင်းပြဆွေးနွေးခြင်းများ ဆောင်ရွက်ပေးပါသည်။

အထွေထွေရောဂါကုဆေးခန်းတွင် ကုသနိုင်သော အသေးစားခွဲစိတ်မှုများကို CKK Clinic တွင် ဆောင်ရွက်နိုင်ပါသည်။  ရှေးဦးစွာ ဆရာဝန်နှင့် ပြသ၍ ရောဂါအမည်တပ်ခြင်း၊ ရောဂါ အဆင့်သတ်မှတ်ခြင်းများ ဆောင်ရွက်ရပါမည်။ လိုအပ်ပါက ရောဂါ စစ်ဆေးမှုများ ဆက်လက်ဆောင်ရွက်ရပါမည်။ လူနာကို အသေးစိတ်ရှင်းပြမည်ဖြစ်ပြီး လူနာ၏ သဘောတူညီချက် လက်မှတ် ရရှိမှသာ ခွဲစိတ်ကုသမှု ဆောင်ရွက်ပေးပါသည်။ ကုသနိုင်သော အသေးစား ခွဲစိတ် ရောဂါများမှာ  - ခြေ၊လက် များရှိ အဆီကျိတ်၊ အသားပိုများ ဖြတ်ထုတ်ပေးခြင်း၊ - ခြေစွယ်လက်စွယ် ငုပ်ခြင်း၊ ပိုးဝင်ခြင်း(သို့) ပြည်တည်ခြင်းကို ခွဲစိတ်ကုသပေးခြင်း၊ - ခန္ဓာကိုယ်တွင်း ဝင်နေသော ပြင်ပပစ္စည်းများ ကို ထုတ်ပေးခြင်း၊ - အသားစနမူနာယူပေးခြင်း၊ - အဆစ်အတွင်း စတီးရွိုက် ဆေးထိုးခြင်း၊ - အနာဆေးထည့်ပေးခြင်း၊ - အရေပြား စုတ်ပြဲဒဏ်ရာများ ချုပ်ပေးခြင်း၊ - ချုပ်ရိုးဖြည်ပေးခြင်း စသည်တို့ဖြစ်ပါသည်။ CKK Clinic ဆေးခန်း၏ ကုသမှုဘောင်ကို ကျော်လွန်နေပါက လွှဲပြောင်းကုသပေးမည် ဖြစ်ပါသည်။

ဆေးကုသမှုသည် မိမိကျွမ်းကျင်မှုဘောင်အတွင်းက ဆောင်ရွက်ရပါသည်။  ချယ်ရီကောင်းကောငးဆေးခန်းတွင် ကုသနိုင်သော ရောဂါများကို ဆေးခန်းတွင် ကုသနိုင်ပြီး ရောဂါအခြေအနေအရ လူနာအနေအထားအရ လွှဲပြောင်းကုသပေးရမည့် လူနာများကို စနစ်တကျ လွှဲပြောင်းကုသပေးပါသည်။ CKK Clinic သည် ဆေးခန်း၏ ကုသပေးနိုင်သည့်ဘောင်၊ လူနာ၏ ရောဂါ အခြေအနေနှင့် ပြင်းထန်မှု အပေါ် မူတည်၍   ကုသမှုပေးနိုင်သည့် (သို့မဟုတ်)  လူနာက ရွေးချယ်သော (သို့မဟုတ်)  ကျန်းမာရေးဝန်ကြီးဌာနက သတ်မှတ်ထားသည့် အစိုးရ အထူးကုဆေးရုံ၊ ပုဂ္ဂလိကဆေးရုံ၊ အထူးကုဆရာဝန်ကြီးများထံသို့  စနစ်တကျ ညွှန်းပို့ လွှဲပြောင်းပေးခြင်းများ ဆောင်ရွက်ပေးပါသည်။